28/4/14

"Siareiros da palabra" van contar aos pequenos do concello

No IES Pedras Rubias (Salceda de Caselas, Pontevedra) funciona desde hai tempo o club de lectura Siareiros da Palabra. Da mesma forma que outros clubs, estes grupos de rapazas e rapaces lectores están a convertirse en "comandos" de intervención lectora, en dinamizadores da lectura no seu centro e no seu medio máis próximo, ben a través de lecturas públicas, de apadriñamentos lectores en centros de infantil e primaria ou en centros de maiores, entre outras actividades.  Velaquí o exemplo destas mozas e destes mozos que prepararon detalladamente uns contos dos Irmáns Grimm, para ir representar e contar aos CRAs (Centros Rurais Agrupados) do concello. O éxito foi moito, segundo contan, e xa teñen novas solicitudes. + información AQUÍ

1 comentario:

Siareirosdapalabra dijo...

Grazas pola mención deste traballo. A verdade é que quedamos todas e todos encantados coa experiencia. Eille mostrar este recoñecemento do seu traballo dende lerenmancomun. Saúdos cordiais. Paula.