20/12/13

Resolución da convocatoria de clubs de lectura. Curso 2013/2014

A Dirección Xeral de Centros e Recursos Humanos publica hoxe, 20 de decembro, no Portal Educativo, a resolución da convocatoria para incentivar clubs de lectura en centros de ensino secundario de Galicia, correspondente ao curso 2013/2014. Un total de 209 clubs reciben axuda para o seu funcionamento.

9/12/13

O que se le nos clubs de lectura importa

A información sobre os libros e os autores máis lidos nos clubs de lectura dos centros de ensino secundario  de Galicia tivo repercusión en distintos medios.

Ou tamén vemos no twitter de Fran Alonso:

4/12/13

Lecturas en distintos idiomas

Sumadas as lecturas, en función do idioma,  feitas polos grupos de lectura dos 222 centros de ensino secundario que tiveron club de lectura no curso 2012/2013, velaquí os datos:

Os 50 títulos máis lidos nos clubs de lectura 2012/2013

Velaquí os 50 títulos que máis se repiten nos clubs de lectura dos centros de ensino secundario de Galicia, trala lectura das memorias correspondentes ao curso 2012/2013. 


Autoras e autores máis lidos nos clubs de lectura 2012/2013

Velaquí os 35 autores máis lidos (con distintos títulos) nos clubs de lectura que funcionaron nos centros de ensino secundario de Galicia durante o curso 2012/2013.



22/11/13

Impacto dos clubs de lectura. Un exemplo


O Club de lectura "Ai, Ptolomeo, tolo meu" do IES Otero Pedrayo, de Ourense, é un club de lectura temático, asociado ao Departamento de Filosofía do centro e máis concretamente ao profesor de "Filosofía da Ciencia e da Tecnoloxía". Ten xa unha traxectoria de cinco anos. O seu coordinador, José Luís Martínez Costas, explica algúns dos logros do club, entre outros ter espertado o interese de profesorado, alumnado e pais e nais do centro. Pero, ademais dos alto nivel que acada o alumnado nos comentarios e recensións dos libros lidos, o coordinador do club achaca ao éxito do mesmo " que a asignatura-fonte do club (Filosofía da Ciencia e da Tecnoloxía) se converta nunha asignatura moi solictiada entre os alumnos de 2º de Bacharelato". 

Informa, por outra parte, que "o club está fornecendo coas súas lecturas "unha sección especializada na biblioteca, sección que trata de unir cuestións científicas, sociais, políticas, históricas e filosóficas, introducindo ademais formatos moi actuais como o da banda deseñada."  

Esto último é un camiño que poden facer as bibliotecas dos institutos, un camiño de futuro: a especialización nalgunha temática, de forma que pode ser referencia na zona, dotar de valor engadido á biblioteca do centro  e contar cun material de interese para o intercambio bibliotecario con outros centros. 

21/11/13

Un novo recurso para os clubs de lectura

Dende a Subdirección Xeral de Bibliotecas,  infórmannos das últimas novidades editoriais adquiridas para incrementar os fondos dos clubs de lectura. Pódese consultar a lista completa dos lotes que xestionan dende a Biblioteca de Galicia no seguinte enderezo: http//bibliotecadegalicia.xunta.es/gl/clubs-de-lectura  
Neste mesmo enlace infórmase do procedemento a seguir para solicitar os lotes de libros.
Entre as novidades no catálogo da Biblioteca de Galicia-Clubs de lectura figuran varios cómics de interese:
CÓMIC (15 exemplares)
  • Davodeau, Étienne. Los ignorantes (na imaxe) 
  • Miller, Frank: Daredevil: Born again
  • Moore, Alan ; Ha, Gene: Top 10
  • Otomo, Katsuhiro: Pesadillas
  • Busiek, Kurt ; Ruth, Greg: Conan la leyenda O nacido en el campo de batalla
Para consultar a lista completa dos títulos de clubs de lectura de todas as bibliotecas públicas municipais cómpre enviar un correo a bforum@coruna.es coa petición de que se quere consultar a devandita relación. 


19/11/13

Presentación de libros en librarías, coa presenza de alumnado


Esta é a nota informativa de editorial:
"O mércores, 20 de novembro, ás 12:00 horas, na libraría Couceiro, praza de Cervantes, 6 de Santiago, terá lugar a presentación do libro Ámote Leo A. Destino xalundes de Rosa Aneiros.
No acto participarán Manuel Bragado, Rosa Aneiros e contará coa colaboración especial de alumnos e alumnas do IES Eduardo Pondal de Santiago, acompañados pola profesora Mercedes Espiño."
A presentación de libros está a sufrir cambios de interese. 
Nuns casos, pasan a ocupar novos lugares como as bibliotecas escolares.
Noutros, como o que nos ocupa, pasan a convidar novo público. 
Son estas fórmulas necesarias para vitalizalar as presentacións e darlle novos pulos. E virán outras, virán aquelas nas que o alumnado acuda a presentacións fóra de hgorario lectivo, porque a ligazón entre educación e cultura se faga máis forte.

8/11/13

CLUBS DE LECTURA E ROTEIROS LITERARIOS

Pódese ler sentada, tamén deitado. Pódese ler de pé e tamén camiñando.Nos roteiros literarios faise iso: lése de camiño que se pasea. Cada pobo debería ter un roteiro literario, qué menos?
Castelao por Pontevedra, da man do Club de Lectura Caderno do Lérez (IES A Xunqueira II)

7/11/13

Convocando o club de lectura

Así convocan, no IES Marco do Camballón, para formar parte do club de lectura.
¡Apúntate ao club!

6/11/13

Razóns para formar un club de lectura

"A iniciativa parte da convicción de que a lectura constitúe un factor primordial para o desenvolvemento das competencias básicas (...). O feito de que o alumnado adquira o hábito lector favorece o desenvolvemento da súa competencia literaria e o manexo da información dende o punto de vista crítico. Por iso, esta iniciativa forma parte dun proxecto máis global onde a biblioteca ten o papel protagonista, queremos ter máis e mellores usuarios e pensamos no club de lectura como unha das actividades que máis e mellor forman lector@s. A biblioteca concibímola como un centro de recursos dinámico, plenamente integrado na vida do centro, que facilita o acceso a documentos de contido diverso e en soportes variados (...). É neste contexto que se desenvolven as actividades do Club Lector.
O noso obxectivo fundamental é o de promover o pracer da lectura entre o noso alumnado adolescenbte, potenciar o acto lector como unha actividade pracenteira e enriquecedora. É por isto que ademais da dimensión individual que todo acto de lectura ten, queríamos engadirlle a riqueza que supón compartir con outras persoas esa experiencia e transformala nunha experiencia de grupo que permitira compartir diversos puntos de vista, distintas visións e intereses. Sentirse vencellado con outras persoas a través dos libros e das lecturas parecíanos ademais de moi interesante para os adolescentes que, neste momento vital, necesitan experiencias nas que os vencellos co grupo son moi importantes.(...)
                                                                                                                                CPI Progreso de Catoira

5/11/13

Agradecementos, dentro do club de lectura.



                             Colaboración entre clubs: IES Losada Diéguez / Frei Martín Sarmiento
"Quero agradecer a todos eles a súa participación, en especial a .... que "dixo que si sen preguntar para que", aos moderadores, polo seu esforzo adicional nestes momentos nos que atopar un oco é tarefa imposible; e aos rapaces e rapazas por non decaer nesta actividade, aínda cando os exames e os traballos apretaban ben.
(...)
Quero agradecer a oportunidade de ter sido a coordinadora dos clubs este curso, pois a experiencia humana vivida superou con creces as miñas expectativas. Agardo que outros teñan a sorte e as ganas para continuala"
Farolendo. IES Faro das Lúas (Vilanova de Arousa)

4/11/13

O club de lectura crea expectación

                                                                                          CPI O Progreso de Catoira
"Hai que incidir na importante expectación que se creou no novo grupo de 1º de ESO que acababa de chegar ao centro; preguntaban qué había que facer para formar parte do club de lectura, xa antes de que se fixese a presentación da actividade por parte do equipo de biblioteca, na charla inicial que se realiza cos pais e nais do alumnado. Dado que para todos eles era a súa primeira vez nun club de lectura, coñecían a súa existencia polo boca a boca dos seus irmáns e outros alumnos do centro, o que quere dicir que a actividade está consolidada e recoñecida como algo positivo entre o alumnado."
Club "A praia das palabras" IES de Vilalonga (Sanxenxo)

31/10/13

Por que nos enriquecen os clubs de lectura?

                                                                                         No roteiro Sarmiento
"Foi enriquecedor escoitar as opinións do alumnado, moitas veces sorprendentes pero atinadas, comprobar a paixón dalgúns con algún dos libros e gozar dun ambiente relaxado arredor da lectura. Fóronse creando lazos entre nós que contribuíron ao noso enriquecemento persoal, facéndonos máis agradable a vida no Instituto. A lectura compartida engádelle valor e estimula o hábito lector. Estamos aprendendo, estamos pasándoo ben.(...)
A avaliación global non pode ser máis que positiva, o Club cumpre os obxectivos de fomento da lectura e de núcleo de integración e convivencia do alumnado. O Club é motor da difusión do hábito lector no IES, a porta de entrada á Biblioteca e aos seus fondos, un elemento central e de prestixio dentro da vida educativa."
Retelladores do galiñeiro. IES Antón Losada Diéguez (A Estrada)

30/10/13

Obxectivos acadados

                                                                                               Mercadiño de libroxs no CPI da Ribeira
 Despois de cinco cursos na coordinación do Club Lectour@s (CPI Fonte Díaz, Touro) fálase de obxectivos acadados:
 - A fidelidade do alumnado, que acudiu, puntualmente, nos recreos dos mércores. Constancia, fidelidade e sacrificio.

- A capacidade dos rapaces e rapazas, gradualmente, para intervir máis nas sesións. Trátase de potenciar a capacidade de intervención pública, apreciándose unha mellora na expresión.
- A potenciación do traballo en equipo.
- A posibilidade de abrir o ámbito escolar cara á vida mesma, cara á sociedade.
- A desmitificación da lingua poética e a súa paroximación aos rapaces, como algo vivo e que pode conectar coas súas inquedanzas.
A consecución da normalización ligüística e a integración participativa de profesorado e alumnado nas actividades do club.
- A posibilidade deunha escolarización en valores, dunha educación emocional e afectiva, algo que vai máis alá dos coñecementos e saberes e que aqtinxe á visión do alumnado como persoa, na súa dimensión integral.

29/10/13

Cómo escoller as lecturas...

                                                                                         IES Ramón Cabanillas
Cóntanos un club:
"Como facemos tódolos anos, este curso convocouse unha primeira xuntanza na que se abriu un debate para propoñer lecturas. Os participantes fan as súas achegas e, de xeito consensuado, decídese por cal se comeza. A partir de aquí, a selección das seguintes obras fíxose seguindo criterios moi diversos. Nalgúns casos, unhas lecturas levaron a outras: o feito de que unha determinada obra xurdira no debate sobre outra foi, en ocasións, o motivo de que se sucitase o interese por traballala no club. En outros, tratouse máis ben de cuestións circunstanciais, de seleccións motivadas polo interese particular dalgún membro por abordar a lectura e o comentario dalgunha obra específica. En algún caso retomouse algunha proposta feita xa no curso anterior e que nonb puidera, por cuestións de tempo, levarse adiante."
Nautilus. IES Fernando Blanco (Cee)
A maneira de conseguir estes libros tamén nos limita, ás veces. Entón é o momento de lembrar o blogue Libros a eito, porque en tempos de crise seguiremos a ler.

28/10/13

Clubs e normalización lingüística



                                                                                   IES Frei Martín Sarmiento
"Este curso, o club de lectura estivo coordinado, coma no curso anterior, en gran medida, polo Equipo de Dinamización Lingüística, que decidiu dende un principio implicarse, tanto na elección dos libros coma no deseño das dinámicas. Esta implicación veu dada polas conclusións sacadas da memoria final de actividades da biblioteca do curso 2009/2010, na que se recolleu que, para lectura libre, o alumnado escollía preferentemente obras en castelán, polo que os préstamos bibliotecarios de libros en lingua galega eran moi inferiores, en procentaxe aos de castelán.
Polo tanto cumpría planificar actividades que levasen a fomentar a lectura en galego e acadar un equilibrio necesario." 
Do Club Os Vios - bardos do IES de Viós

Finalidades dun club


                                                                               Foto: Club de lectura do IES Val do Tea
"O Club de Lectura Nautilus como ferramenta enmarcada dentro do Proxecto lector, ten como finalidade primordial a do fomento da lectura crítica e reflexiva en contextos de participación activa, desvinculados do estritamente académico. Tódalas actividades desenvolvidas dentro do ámbito de actuación do club teñen como principal obxectivo o de suscitar o interese polos textos literarios e anrir vías diversas de profundización no seu contido, ebn a través da discusión moderada, ben a través do acceso guiado a formas distintas de coñecemento."
(Club de Lectura Nautilus, IES Fernando Blanco, Cee)

25/10/13

Bibliotecas na rúa e lecturas do club

 

Así se nos conta, desde o Club "O buraco de Tobías" (IES Chamoso Lamas. O Carballiño):

Biblioteca na Rúa.

A través da Biblioteca do Chamoso convocouse a outras bibliotecas de Carballiño para poñer postos de libros na rúa e animar ó pobo para facerse socio das distintas bibliotecas. Ao mesmo tempo, un grupo de alumnos (participación da maior parte dos integrantes do Club Lector) lía fragmentos de autores representativos da literatura universal, intercalado cunha actuación dun grupo de música medieval. 
TODO UN ÉXITO!!!!!!!!!!!!!!!!!!!!!!!!!!!!!!!!
Pode verse neste enlace.

23/10/13

Memorias dos Clubs (1)

                                                                              Club de lectura do IES Val do Tea
 Do club Tesmoitoconto (CPI A Picota)
"Queremos aportar unha valoración moi positiva con respecto á lectura posto que o alumnado deste Club disfrutaba tremendamente reflexionando sobre os libros lidos, por riba de calquera outro tipo de actividade relacionada coa mesma. Por outra banda, parécenos moi importante sinalar que algúns dos rapaces e rapazas que pertencían ao Club non son grandes lectores, polo que o xeito de participar neste tipo de actividades, por iniciativa propia ten para todos nós un valor moi positivo. Outros, os máis lectores aportaron os seus gustos e as súas suxerencias sobre posibles lecturas que lles gustaría que formasen parte da biblioteca do centro, e dende o equipo tivéronse en conta para renovar os seus fondos.
Sen dúbida, a participación deste alumnado no Club de Lectura contribuíu non só ao seu desenvolvemento persoal, aumentando a súa capacidade para sintetizar e expoñer as súas opinións... senón que tamén axudou a facer que este alumnado se integrase máis na vida do centro e especialmente na biblioteca do mesmo."

22/10/13

O que escriben os clubs


                                                                                                Voar cos libros. IES República Oriental do Uruguai
"En canto á consecución dos obxectivos marcados inicialmente, pensamos que. de forma xeral, cumpríronse. Os alumnos e alumnas disfrutaron coas lecturas e actividades elixidas. Participaron nos debates expresando opinións ou simplemente escoitando, e aprenderon a tolerar ideas moitas veces contrarias ás súas. (...)
Un dos nosos obxectivos principais era ser capaces de xerar un sentimento de "pertenza a un grupo" e pensamos que o conseguimos, entre outras cousas grazas ás actividades que englobaban a todo o Club como a visita á Biblioteca Pública, as saídas teatrais ou as comidas que compartiron maiores e pequenos misturados. Tamén notamos como rapaces e rapazas que non estaban no Club sentían interese polo que faciamos e animáronse a formar parte deste ao longo do curso."

15/10/13

Mercadiño de libros no IES Lama das Quendas (Chantada, Lugo)

 
"A biblioteca do I.E.S. Lama das Quendas, en colaboración co club de lectura "A Quenda do libro", promove un Mercadiño de libros  que servirá para conmemorar  o Día Internacional das Bibliotecas Escolares e , ao tempo, favorecerá a convivencia  e a solidariedade entre as diferentes persoas que conforman a comunidade escolar e o gusto polos libros.
 

2/10/13

Comezan a andar os clubs de lectura

 
Nestes inicios de curso as bibliotecas escolares botan a andar os seus servizos e programas. Aquelas nas que funciona o club de lectura comezan a convocar ao alumnado co fin de organizar os diversos grupos de lectura, en función da demanda, dos niveis de idade, dos intereses, do profesorado implicado. Velaquí temos o exemplo do IES LAMA DAS QUENDAS, de Chantada (Lugo), e do éxito que acadou na primeira convocatoria entre o alumnado.

10/9/13

Convocatoria en apoio aos clubs de lectura para o curso 2013/2014

Xa foi publicada no Portal Educativo a convocatoria da Dirección Xeral de Centros e Recursos Humanos pola que se incentiva o funcionamento de clubs de lectura, durante o curso 2013/2014, en centros públicos que matriculen alumnado de ensino secundario, bacharelato, formación profesional, ensinanzas de persoas adultas e de réxime especial (conservatorios, escolas oficiais de idiomas). O prazo de presentación de solicitudes remata o  vindeiro 11 de outubro de 2013.

28/6/13

VI Xornada dos clubs de lectura (vídeo resume)


VI Xornada dos Clubs de Lectura from Bibliotecas Escolares de Galicia on Vimeo.
Vídeo que resume o ambiente e o contido da VI Xornada dos Clubs de Lectura, celebrada en Compostela o 31 de maio de 2013, organizada pola Dirección Xeral de Centros e Recursos Humanos, coa colaboración do Servizo de Formación do Profesorado. Esta iniciativa encádrase no programa HORA DE LER, de fomento da lectura en centros de ensino, e reúne anualmente ao profesorado que coordina os clubs de lectura que existen nos centros de ensino secundario de Galicia, ao abeiro da convocatoria  da Consellería de Cultura, Educación e O.U., de axudas para o seu funcionamento. 

ACCESO AOS VÍDEOS DAS DIFERENTES SESIÓNS

Marcos Calveiro: ler, escribir, amar


Marcos Calveiro: "Ler, escribir, amar" from Bibliotecas Escolares de Galicia on Vimeo.
Intervención do escritor Marcos Calveiro para finalizar a VI Xornada dos Clubs de Lectura

Redelibros, a rede social galega do libro


Xosé R. Lois: Redelibros from Bibliotecas Escolares de Galicia on Vimeo.
Intervención de Xosé R. Lois, responsable de Redelibros, a rede social galega do libro, na VI Xornada de Clubs de Lectura, celebrada en maio en Compostela.

Clubs que se reúnen

Así nolo contan, desde o IES de Porto do Son:
"Xa vimos compartindo saídas e lecturas cos clubs de lectura do IES Aquis Celenis de Caldas. Primeiro foi Viana do Castelo, logo o Mosteiro de Carboeiro. Este ano, para despedir aos nosos queridos alumnos de 2º de bacharelato, a primeira fornada nesta andaina da lectura, decidimos facer unha viaxe a Porto. Compartimos a lectura - previamente leramos A casa das sombras nefeastas de Paulo Soriano e O embodeiro que sonhava passaros de Mia Couto- e en Porto, un paseo polo Douro, un xogo de pistas para coñecer un pouco máis a cidade e a cultura portuguesas, festa, a Casa da Música, a Biblioteca Almeida Garret... Seguimos na nosa teima de facer presence o que nos une a Portugal. Foi un luxo viaxar con estes mozos e mozas que asisten ano tras ano ás sesións dos clubs de lectura! Por suposto, magnífica a compaña do IES Aquis Celenis de Caldas. Repetiremos: unha boa forma de optimizar os cartos e de achegar pontes arredor da lectura!"

21/6/13

Os clubs de lectura contribúen á adquisición de competencias básicas


Mesa de experiencias: Clubs de lectura e competencias básicas from Bibliotecas Escolares de Galicia on Vimeo.

Velaquí a mesa de experiencias que baixo o título "Participar nun club de lectura serve para adquirir competencias imprescindibles", tivo lugar na mañá da VI Xornada dos Clubs de Lectura, celebrada en Compostela o 31 de maio de 2013. Interveñen:
- Begoña Valdés, do IES Ramón Otero Pedrayo, de A Coruña
- Julio Abalde, do IES Ribeira do Louro, de O Porriño
- Almudena Platero, do IES Xesús Ferro Couselo, de Ourense
- Delio Chao, do CPI Luís Díaz Moreno, de Baralla (Lugo)  

ACCESO A TODOS OS MATERIAIS E VÍDEOS DA XORNADA (entrar como "convidado")

18/6/13

Roteiro literario por Celanova

 
O alumnado do club de lectura do IES Ribeira do Louro, de O Porriño (Pontevedra), deu remate ao curso cunha visita literaria a Celanova, a vila dos poetas, a terra de Curros Enríquez, Celso Emilio Ferreiro e Xosé Luís Méndez Ferrín. Velaquí o vídeo deste roteiro literario e da visita á biblioteca do IES de Celanova, que sempre resulta impactante, por estar aloxada no que fora a sala capitular do antigo mosteiro. Roteiro literario por excelencia, Celanova acolle ao alumnado dos clubs de lectura con frecuencia e ofrécelles oportunidadees para continuar avanzando na súa formación cultural e lectora.

O alumnado dos clubs de lectura recomenda...

O alumnado que forma parte dos clubs de lectura comeza a facer as súas propias recomendacións de lecturas. Isto é un bo síntoma, pois amosa a formación lectora que este alumnado vai acadando, así como a súa capacidade para consensuar uns títulos que consideran de interese para o resto de compañeiros e compañeiras do centro. Cuestión aparte é a análise que poidamos facer, en tanto que mediadores, da escolla, ou da porcentaxe que acada o galego nas diferentes seleccións, que acaso merecera algunha reflexión. Velaquí dous exemplos:

5/6/13

Os autores con máis títulos lidos nos clubs de lectura, curso 11/12

E seguindo con datos correspondentes ao curso 11/12 (agardando para poder recoller as lecturas deste curso), velaquí os autores que contan con máis títulos lidos polos diferentes clubs de lectura en centros de ensino de Galicia no pasado ano académico:

Autores con máis títulos lidos nos clus de lectura. Curso 11/12
Autor
Nº títulos
Sierra i Fabra, Jordi
24
Fernández Paz, Agustín
18
Dickens, Charles
11
Gallego, Laura
11
Allan Poe, Edgar
9
Casalderrey, Fina
8
Dahl, Roald
8
Christie, Agatha
7
Cunqueiro, Álvaro
6
Fariña, Anxo
6
Moure, Gonzalo
6
Rivas, Manuel
6
Toro, Suso de
6
Aleixander, Marilar
5
Alonso, Fran
5
Castelao
5
García Márquez, Gabriel
5
López Marváez, Concha
5
Mendoza, Eduardo
5
Ruiz Zafón, Carlos
5
Alfaya, An
4
Álvarez, Blanca
4
Calveiro, Marcos
4
Carranza, Maite
4
Conan Doyle, Arthur
4
Fole, Ánxel
4
Gisbert, Joan Manuel
4
Gómez Cerdá, Alfredo
4
Hergé
4
Miranda, Xosé
4
Moccia, Federico
4
Poe, Allan Edgar
4
Reimóndez, María
4
Zweig, Stephan
4
Ammaniti, Niccoló
3
Aneiros, Rosa
3
Calvino, Italo
3
Carballude, Pepe
3
Caride, Ramón
3
Castro, Francisco
3
Delibes, Miguel
3
Docampo, Xabier P.
3
Gallego Abad, Elena
3
Gelinek, Joseph
3
Gómez, Ricardo
3
Lalana, Fernando
3
Lienas, Gemma
3
Lindo, Elvira
3
London, Jack
3
Lovecraft, H.P.
3
Martín, Andreu
3
Molina, M.I.
3
Pardo Bazán, Emilia
3
Stevenson, Robert Luis.
3
Taniguchi, Jiro
3
Wilde, Oscar
3

Os 25 títulos máis lidos nos clubs de lectura en 2011/2012

Mentres agardamos polos resultados das memorias dos clubs de lectura do curso que remata, 2012/2013, recollemos aquí os títulos que no curso anterior foran escollidos por un maior número de grupos de lectura. Velaquí, pois, os 25 títulos máis compartidos polos diferentes clubs de lectura espallados por toda Galicia no pasado curso 2011/2012.


OS 25TÍTULOS MÁIS LIDOS NOS CLUBS DE LECTURA DURANTE O CURSO 2012/2013
Autor
Título
Idioma
Nº de clubs
Villar, Domingo
A praia dos afogados
G
13
Neira Vilas, Xosé
Memorias dun neno labrego
G
12
Roca, Paco
Enrugas
G
11
Collins, Suzanne
Los juegos del hambre
C
11
Haddon, Mark
 El curioso incidente del perro medianoche
C
10
Boyne, J
El niño con el pijama de rayas
C
9
Fernández Paz, Agustín
Non hai noite tan longa
G
9
Castelao
Cousas
G
8
Gallego, Laura
Donde los árboles cantan
C
8
Muñoz Singala
O achado do castro
G
8
Lienas, Gema
O diario violeta de Carlota
G
8
Moure, Gonzalo
Palabras de caramelo
C
8
Satrapa, Marjani
Persépolis
C
8
Vasconcelos, J. Mario de
A miña planta de laranxa lima
G
7
Docampo, Xabier P.
Cando petan na porta pola noite
G
7
Fernández Paz, Agustín
Cartas de inverno
G
7
Castro, Fran
Chamádeme Simbad
G
7
Christie, Agatha
Diez negritos
C
7
Fernández Paz, Agustín
Cartas de invierno
G
7
Emmanuel Schimitt
El señor Ibrahim y las flores del Corán
C
7
Claudel, Philippe
La nieta del señor Linh
C
7
Spiegelman, Art
Maus
C
7
Calveiro, Marcos
O pintor do sombreiro de malvas
G
7
Villar, Domingo
Ollos de auga
G
7
Alonso, Fran
Poetízate
C
7