O Club de lectura do CPI O Progreso, de Catoira (Pontevedra), publicou xa, como en anos anteriores, un vídeo-resume da súa actividade ao longo do curso 2016/2017. A través deste audiovisual podemos achegarnos a unha intensa dinámica de lectura compartida. Ao final do vídeo, as lectoras e os lectores explican perfectamente os beneficios deste tipo de actividades. Un excelente exemplo do moito que están a significar os clubs de lectura dos centros de ensino secundario de Galicia na construción dunha sociedade lectora, tamén na oferta de opcións diferentes ao alumnado nas que poder expresarse e atopar "espazos" acolledores nos que medrar como lectores e como cidadáns. Parabéns!
Mostrando entradas con la etiqueta audiovisuais. Mostrar todas las entradas
Mostrando entradas con la etiqueta audiovisuais. Mostrar todas las entradas
12/7/16
Crear vínculos coa lectura, desde a lectura, para a lectura
Desde o Club de lectura do CPI O Progreso, de Catoira, achégannos este vídeo-resume das actividades levadas a cabo durante o curso 2015/2016, así como da xornada compartida co Club de Lectura Os Trasnos dos libros, do IES de Poio. Un bo exemplo do moito e bo que se coce nos clubs de lectura de ámbito educativo de Galicia.
29/7/14
Resume dun ano de lectura: Club de lectura do CPI O Progreso
O club de lectura do CPI O Progreso, de Catoira (Pontevedra), edita un vídeo no que resumen as súas actividades durante o ano, e no que podemos escoitar da propia voz das lectoras e dos lectores o que significa para elas e eles estar, forma parte do club de lectura.
30/1/14
Os clubs van á radio
Un exemplo máis de como os clubs de lectura están ampliando actividade e sementando lecturas polo país adiante. Desta vez son as alumnas do Club de Lectura CORISTRANCA (Un club de lectura con retranca), do CPI Alcalde Xosé Pichel de Coristanco (A Coruña) as que aproveitan as posibilidades da radio, e neste caso da emisora CUAC FM, a radio comunitaria da Coruña.
No blogue do club de lectura temos toda a información sobre este club, e nesta ligazón, o podcast desta emisión radiofónica, fermosísimo momento de exaltación e de vivencia gozosa da lectura. Absolutamente recomendado!
Suscribirse a:
Entradas (Atom)