Os clubs de lectura contribúen á adquisición de competencias básicas

Mesa de experiencias: Clubs de lectura e competencias básicas from Bibliotecas Escolares de Galicia on Vimeo.

Velaquí a mesa de experiencias que baixo o título "Participar nun club de lectura serve para adquirir competencias imprescindibles", tivo lugar na mañá da VI Xornada dos Clubs de Lectura, celebrada en Compostela o 31 de maio de 2013. Interveñen:
- Begoña Valdés, do IES Ramón Otero Pedrayo, de A Coruña
- Julio Abalde, do IES Ribeira do Louro, de O Porriño
- Almudena Platero, do IES Xesús Ferro Couselo, de Ourense
- Delio Chao, do CPI Luís Díaz Moreno, de Baralla (Lugo)  

ACCESO A TODOS OS MATERIAIS E VÍDEOS DA XORNADA (entrar como "convidado")

Roteiro literario por Celanova

 

O alumnado do club de lectura do IES Ribeira do Louro, de O Porriño (Pontevedra), deu remate ao curso cunha visita literaria a Celanova, a vila dos poetas, a terra de Curros Enríquez, Celso Emilio Ferreiro e Xosé Luís Méndez Ferrín. Velaquí o vídeo deste roteiro literario e da visita á biblioteca do IES de Celanova, que sempre resulta impactante, por estar aloxada no que fora a sala capitular do antigo mosteiro. Roteiro literario por excelencia, Celanova acolle ao alumnado dos clubs de lectura con frecuencia e ofrécelles oportunidadees para continuar avanzando na súa formación cultural e lectora.

O alumnado dos clubs de lectura recomenda...

 

O alumnado que forma parte dos clubs de lectura comeza a facer as súas propias recomendacións de lecturas. Isto é un bo síntoma, pois amosa a formación lectora que este alumnado vai acadando, así como a súa capacidade para consensuar uns títulos que consideran de interese para o resto de compañeiros e compañeiras do centro. Cuestión aparte é a análise que poidamos facer, en tanto que mediadores, da escolla, ou da porcentaxe que acada o galego nas diferentes seleccións, que acaso merecera algunha reflexión. Velaquí dous exemplos:

• Os Trasnos dos libros, club de lectura do IES de Poio (Poio, Pontevedra), que realizou unha excelente selección de lecturas para o verán. 
• O alumnado dos clubs de lectura Na Estrada-525, do IES Manuel García Barros, e Os Retalladores do Galiñeiro, do IES Antón Losada Diéguez, ámbolos dous de A Estrada (Pontevedra) que se xuntaron nun xantar para rematar o curso e alí consensuaron un listado de libros recomendados.

Gemma Lluch: Criterios para seleccionar libros para adolescentes

Gemma Lluch - Criterios para seleccionar libros para adolescentes from Bibliotecas Escolares de Galicia on Vimeo.

Conferencia de Gemma LLuch coa que se iniciaba a VI Xornada dos Clubs de Lectura, celebrada en Santiago de Compostela, o 31 de maio de 201. Imprescindible!

Os autores con máis títulos lidos nos clubs de lectura, curso 11/12

E seguindo con datos correspondentes ao curso 11/12 (agardando para poder recoller as lecturas deste curso), velaquí os autores que contan con máis títulos lidos polos diferentes clubs de lectura en centros de ensino de Galicia no pasado ano académico:

Autores con máis títulos lidos nos clus de lectura. Curso 11/12
Autor	Nº títulos
Sierra i Fabra, Jordi	24
Fernández Paz, Agustín	18
Dickens, Charles	11
Gallego, Laura	11
Allan Poe, Edgar	9
Casalderrey, Fina	8
Dahl, Roald	8
Christie, Agatha	7
Cunqueiro, Álvaro	6
Fariña, Anxo	6
Moure, Gonzalo	6
Rivas, Manuel	6
Toro, Suso de	6
Aleixander, Marilar	5
Alonso, Fran	5
Castelao	5
García Márquez, Gabriel	5
López Marváez, Concha	5
Mendoza, Eduardo	5
Ruiz Zafón, Carlos	5
Alfaya, An	4
Álvarez, Blanca	4
Calveiro, Marcos	4
Carranza, Maite	4
Conan Doyle, Arthur	4
Fole, Ánxel	4
Gisbert, Joan Manuel	4
Gómez Cerdá, Alfredo	4
Hergé	4
Miranda, Xosé	4
Moccia, Federico	4
Poe, Allan Edgar	4
Reimóndez, María	4
Zweig, Stephan	4
Ammaniti, Niccoló	3
Aneiros, Rosa	3
Calvino, Italo	3
Carballude, Pepe	3
Caride, Ramón	3
Castro, Francisco	3
Delibes, Miguel	3
Docampo, Xabier P.	3
Gallego Abad, Elena	3
Gelinek, Joseph	3
Gómez, Ricardo	3
Lalana, Fernando	3
Lienas, Gemma	3
Lindo, Elvira	3
London, Jack	3
Lovecraft, H.P.	3
Martín, Andreu	3
Molina, M.I.	3
Pardo Bazán, Emilia	3
Stevenson, Robert Luis.	3
Taniguchi, Jiro	3
Wilde, Oscar	3

Os 25 títulos máis lidos nos clubs de lectura en 2011/2012

Mentres agardamos polos resultados das memorias dos clubs de lectura do curso que remata, 2012/2013, recollemos aquí os títulos que no curso anterior foran escollidos por un maior número de grupos de lectura. Velaquí, pois, os 25 títulos máis compartidos polos diferentes clubs de lectura espallados por toda Galicia no pasado curso 2011/2012.

OS 25TÍTULOS MÁIS LIDOS NOS CLUBS DE LECTURA DURANTE O CURSO 2012/2013
Autor	Título	Idioma	Nº de clubs
Villar, Domingo	A praia dos afogados	G	13
Neira Vilas, Xosé	Memorias dun neno labrego	G	12
Roca, Paco	Enrugas	G	11
Collins, Suzanne	Los juegos del hambre	C	11
Haddon, Mark	El curioso incidente del perro medianoche	C	10
Boyne, J	El niño con el pijama de rayas	C	9
Fernández Paz, Agustín	Non hai noite tan longa	G	9
Castelao	Cousas	G	8
Gallego, Laura	Donde los árboles cantan	C	8
Muñoz Singala	O achado do castro	G	8
Lienas, Gema	O diario violeta de Carlota	G	8
Moure, Gonzalo	Palabras de caramelo	C	8
Satrapa, Marjani	Persépolis	C	8
Vasconcelos, J. Mario de	A miña planta de laranxa lima	G	7
Docampo, Xabier P.	Cando petan na porta pola noite	G	7
Fernández Paz, Agustín	Cartas de inverno	G	7
Castro, Fran	Chamádeme Simbad	G	7
Christie, Agatha	Diez negritos	C	7
Fernández Paz, Agustín	Cartas de invierno	G	7
Emmanuel Schimitt	El señor Ibrahim y las flores del Corán	C	7
Claudel, Philippe	La nieta del señor Linh	C	7
Spiegelman, Art	Maus	C	7
Calveiro, Marcos	O pintor do sombreiro de malvas	G	7
Villar, Domingo	Ollos de auga	G	7
Alonso, Fran	Poetízate	C	7

 

Materiais da VI Xornada dos Clubs de Lectura

Está xa dispoñible o espazo virtual no que imos ir subindo os materiais relativos á VI Xornada dos Clubs de lectura, celebrada en Santiago de Compostela o pasado 31 de maio. En canto estean dispoñibles tamén se subirán os vídeos das diferentes sesións. 

O enderezo é http://www.edu.xunta.es/biblioteca/redeBE/ e o acceso é libre (entrar como "convidado/a").

A videoconferencia: unha ferramenta útil para o club de lectura.

Encontro virtual con Fernando M. Cimadevila from Turo on Vimeo.

Ben porque os recursos son cada vez máis escasos, ben porque os autores non están tan accesibles como desexarían os lectores e as lectoras, ben porque están lonxe... a cuestión é que a videoconferencia pode ser unha opción barata e útil para manter un encontro coa escritora, co escritor do libro que vimos de ler. Velaquí o exemplo do Club de Lectura do CPI O Progreso, de Catoira. Trala lectura de "O mundo secreto de Basilius Hoffman", e despois dunha chea de actividades arredor das personaxes, contactaron co autor, Fernando M. Cimadevila, e mantiveron un encontro  a través de internet do que nos deixan ver un pequeno resumen. Atención ás recomendacións que Fernando fai a estes mozos e mozas ao final do vídeo!!!!

Programa da VI Xornada dos Clubs de Lectura

Programa da VI Xornada dos Clubs de Lectura, que terá lugar nas instalacións da EGAP (Escola Galega de Administración Pública), en Santiago de Compostela, o vindeiro 31 de maio. 

Unha oportunidade para o encontro, o intercambio de experiencias, a reflexión e o debate arredor das posibilidades do club de lectura como fórmula para a formación dos mozos e mozas en competencias clave para o cidadán do século XXI: comunicación lingüística, aprender a aprender, competencia informacional, autonomía e iniciativa persoal, competencia cultural e artística... entro outras. E tamén o club de lectura como lugar de convivencia, no que aprender a dialogar, argumentar, escoitar e respectar ao outro, en definitiva, construír espazos comúns de entendemento.

O que é un club de lectura??

 

As mozas e mozos do Club de lectura O LIBRAKO, do CPI Manuel Suárez Marquier, de O Rosal (Pontevedra), explican así o que significa para elas/eles participar no club de lectura do centro. 

VI Xornada dos Clubs de Lectura

O vindeiro venres 31 de maio celebrarase en Santiago de Compostela (nas instalacións da EGAP) a que será a VI Xornada dos Clubs de Lectura. Reuniranse as coordinadoras e coordinadores dos clubs de lectura que funcionan neste curso en 222 centros de ensino secundario de Galicia, ao abeiro da convocatoria da Dirección Xeral de Centros e RRHH para incentivar clubs de lectura no curso 2012/2013 (no contexto do programa HORA DE LER, para o fomento da lectura nos centros educativos). A xornada contará coa presenza de Gemma Lluch, especialista en literatura infantil e xuvenil, da Universitat de Valencia; Xose R. Lois, de Redelibros, e do escritor Marcos Calveiro. Tamén haberá ocasión para o intercambio de experiencias e unha mesa para a reflexión e o debate sobre as potencialidades do club de lectura e a súa contribución á adquisición de competencias básicas por parte do alumnado. Esta actividade, encadrada nos programas de bibliotecas escolares e fomento da lectura da Consellería de Educación, organízase en colaboración coa Rede de Formación do Profesorado (CAFI-Santiago), como actividade de formación.

Nova convocatoria "¿Que estás leyendo?"

Desde o 1 de marzo e ata o 30 de xullo de 2013 está aberto o prazo de inscrición no concurso ¿QUÉ ESTÁS LEYENDO? da OEI (Organización de Estados Iberoamericanos), destinado a recoñer blogues de lectoras e lectores de 12 a 15 anos. Estes blogues poden estar en calquera lingua dos estados membros (polo que o galego pode ter unha presenza activa), e poden realizarse de forma individual ou en grupo. É pois unha oportunidade para o alumnado dos clubs de lectura, que cómpre valorar. 

Toda a INFORMACIÓN aquí

Libros que dan de si / clubs que dan que falar

O club de lectura do IES Val do Tea é un bo exemplo. O seu blogue Club de lectura BiblioTea demóstranolo en cada entrada. Agora, fáisenos máis evidente cando imos lendo as que aparecen arredor do libro Amor en Amman de Berta Vias Mahou, publicado por Anaya:

Antes da reunión: Ammor en Amman, onde está Amman?

Antes da reunión: Ammor en Amman, quen conta a historia?

Antes da reunión, a literatura en Ammor en Amman

Antes da reunión, a arte en Ammor en Amman

A música en Ammor en Amman

Os mares en Ammor en Amman

Arqueoloxía en Ammor en Amman

Ammor en Amman despois da reunión

Unha maneira marabillosa de adentrarse nun libro, de facelo pedra de toque, protagonista e centro de interese da actividade.

A creación dun liberespazo propio, dunha constelación cultural, dun mundo.

Rosalía viva na voz dos lectores, das lectoras

Rosalía de Castro é un bo motivo para xuntárense grupos de lectura de diversa procedencia que, no mesmo ámbito territorial, aúnan vontades arredor da Palabra, da palabra oral, da palabra escrita. Este é un exemplo máis das actividades nas que participan os clubs de lectura ao longo do país. Parabéns por esas iniciativas que axudan a construír sociedade lectora. Podemos coñecer esta actividade no blog do Club de lectura, Os Trasnos dos libros, do IES de Poio.

Seguindo as pegadas de "A Esmorga"

 

Club de lectura do IES de Porto do Son, no Liceo de Ourense co actor de Sarabela Teatro, Fernando Dacosta, falando da obra de Blanco Amor, A esmorga. 

Os integrantes do club de lectura do IES de Porto do Son (Porto do Son, A Coruña) relatan a súa visita literaria á cidade de Ourense, o pasado 25 de xaneiro. Unha crónica completa dunha xornada destinada a seguirlles os pasos aos protagonistas da obra de Eduardo Blanco Amor, A esmorga. Un exemplo dos moitos roteiros literarios que os clubs de lectura están a realizar por Galicia adiante, nunha proposta global de aprendizaxe e de posta en valor dos recursos culturais do noso país.

Roteiro literario de "A Esmorga". Clube cultural Alexandre Bóveda/Concello de Ourense

Resolución da convocatoria de clubs de lectura - curso 2012/2013

 

Club de lectura do IES Castro Alobre

Hoxe sae publicada no Portal Educativo a Resolución da Dirección Xeral de Centros e Recursos Humanos pola que se se adxudican as axudas ao funcionamento de clubs de lectura en 222 centros da rede pública galega que matricula alumnado de ESO, bacharelato, formación profesional, ensinanzas de réxime especial e ensinanzas de persoas adultas, para o presente curso 2012/2013. 

Estes clubs de lectura están integrados, a maior parte das veces, por varios grupos de lectura e un 25% tamén conta con grupo de lectura de adultos (pais, nais, profesorado e persoal non docente). En conxunto, participan desta iniciativa de fomento da lectura algo máis de 7.500 alumnos, de forma directa. Pero indirectamente, son moitos máis os beneficiados, pois a maioría destes clubs de lectura son "células" de dinamización lectora nos seus respectivos centros, "komandos de lectura", como se fan chamar algúns, que estenden o virus da lectura entre os seus compañeiros e compañeiras, e contribúen así a que o libro e a lectura estea presente de forma cotiá nos centros educativos galegos.  

+ INFORMACIÓN 

Banco de libros

O club de lectura, unha oportunidade para a formación integral.

Velaquí un exemplo de como os clubs de lectura están a contribuír á formación integral das lectoras e dos lectores, mediante propostas de lectura ben escollidas e actividades interesantes, guiadas sempre por obxectivos educativos. Desde o IES de Porto do Son (Porto do Son, A Coruña), chéganos noticia das actividadees realizadas no club de lectura a partir da obra de Héctor Carré, FEBRE, que narra unha historia de minería e outros aspectos de carácter histórico e social, na comarca da Barbanza (A Coruña). Esta obra foi lida polo grupo de lectura de 3º de ESO e 1º de BAC. Mantiveron un encontro co autor (na imaxe) e, ademais, realizaron diversas actividades, entre elas, unha recensión do libro lido, para o que tiveron esta GUÍA, elaborada pola coordinadora do club.

As bibliotecas escolares, "bibliotecas de proximidade"

 

Son cada ano máis numerosos os clubs que contan cun grupo de lectura de adultos no que participan, habitualmente, nais e pais, profesorado do centro, persoal non docente e mesmo veciños. Así, no pasado curso 2012/2013, o 18% dos centros con club de lectura (215) tiñan un grupo de adultos.

As bibliotecas escolares están ofrecendo oportunidade para o encontro entre os distintos sectores da comunidade educativa, e dese encontro co libro e a lectura como intermediarios, xorde o coñecemento, e medra o respecto e o recoñecemento mutuo. Pero máis aló desta función, os clubs de lectura de adultos son unha fórmula que as bibliotecas escolares teñen para convertirse en "bibliotecas de proximidade" para a comunidade escolar e para a veciñanza. Cómpre lembrar unha vez máis que os clubs de lectura son e existen grazas ao esforzo desinteresado, e ao compromiso profesional e social, do profesorado que os coordina e potencia, pero ese esforzo acaba por dar resultado. Ben é certo que o traballo en fomento da lectura é lento e as súas consecuencias só se ven a medio ou longo prazo, porque hai moitas resistencia social (só hai que observar a pouca presenza que o fenómento da lectura ten nos medios de comunicación, máis aló de campañas publicitarias puntuais) e moitas rémoras que superar.

Por iso resulta tan grato ler no blogue do club A quenda do libro, do IES Lama das Quendas, de Chantada (Lugo) este titular: "AUMENTAN CONSIDERABLEMENTE OS PRÉSTAMOS A PAIS E NAIS". Axuda, obviamente, a dispoñibilidade e a flexibilidade á hora de atender a incipiente demanda, o sentirense atendidos, o seren sempre ben recibidos, o seren tratados con dignidade e respecto: "Cada día vén algún pai ou nai na procura dalgún libro en calquera das horas nas que a Biblioteca está aberta e sempre os recibimos cos brazos abertos". + Información AQUÍ

Hai comunidades que camiñan cara á construcción da sociedade lectora da que sempre falamos e que tanta falta vai facer nos próximos tempos. Parabéns!